मंगोल नेता बिनोद थिङ्ग तामाङले आफ्नो फेसबुकको वालमा लेखेका छन् कि काठमाडौं खाल्डोलाई घेरेर बसोबास गरेका बहुसंख्यक मुलवासी मंगोलहरु र मुलवासी मध्य तामाङ समुदायले पनि हरेक आन्दोलनमा निर्णायक भुमिका खेलेको छ। चाहे त्यो ०७ होस् , ४६ होस् वा ६२/६३ को आन्दोलन। यदि मुलवासी र मुलवासी मध्यको तामाङ समुदायले ती आन्दोलनलाई समर्थन नगरेको खण्डमा सफल हुँदैनथ्यो कि।
लोकतन्त्र घोषणा पश्चात् वर्तमान अवस्थामा मुलवासी मंगोल तामाङ समुदायहरुले आफ्नो इतिहास बुझेर राजाको रैती नबन्ने मनस्थिति देखिसके पछि कुलमान घिसिङलाई बर्खास्त गरेर  भावनात्मक तरिकाले तामाङहरुलाई बलिको बोका बनाउन खोजेका हुन् र यी दुई दिने पाहुनाहरुले।त्यसैले अहिले तामाङ यस्तो उस्तो भनेर व्यापक उचाल्ने काम भइरहेको छ।चक्रब्यु बुनिरहेका छन् । यदि यिनिहरुको चक्रब्युमा परियो भने भोलि सोझा तामाङको छोराछोरी दास,रैती बन्नकै लागि सहिद हुनेवाला छन। र भोलि एक्जना मात्र मरेको खण्डमा,चाणक्य  नीति नबुझ्ने सोझा तामाङ्ग निभ्न लागेको आगो(मरेको राजतन्त्र)लाइ इन्धन भेटे जस्तै हुनेछन् यी पाहुनाहरुलाइ।
त्यसैले अब मुलवासी तामाङ सरकार बन्नु पर्छ रैती हैन।जनजाति हैन,आदिवासी हैन,मतवाली हैन मुलवासी मंगोल बन्नुपर्छ।अधिकार सम्पन्न भएर देशको मालिक भएर बाच्नु पर्छ।
भोलीदेखि हुने रमितामा एक जनापनि तामाङ मात्र हैन कुनै पनि मुलवासीको छोराछोरी सहभागी हुनुहुदैन।अब कुनै पनि मुलवासीको छोराछोरीको रगत बिदेशीका लागि आफ्नो भुमिमा बग्नु हुदैन।हामी लोकतन्त्रमा नै फल्न र फुल्न पाउछौ।
हामी मालिक भैसकेका छौ।देशलाइ कुनै चिजबाट खतरा छ भने त्यो हो यी राजा र रैती हरुबाट र तिनकै खलक देउवा ,दाहाल,ओलि,शर्मा,इत्यादिबाट।
दुशमनको खेललाइ बुझेर आफ्नो काम गरौं,सामाजिक संजालबाट राजा र रैतिहरुको तमाशाको मनोरञ्जन लिऔं।