धादिङ/ सालिकराम थापा मगर
मंगोल नेशनल अर्गनाइजेशन(एम.एन.ओ.)को तर्फबाट धादिङ जिल्लामा प्रतिनिधि तथा प्रदेश सभा सदस्य निर्वाचनमा उम्मेदवारी दिनुहुने उम्मेदवारहरुको घोषणा कार्यक्रम सम्पन्न भएको छ ।
दिनाङ्क २०७९ भदौ २० तदानुसार 5 सेप्टेम्बर, 2022 का दिनमा एम.एन.ओ., जिल्ला सभा धादिङका अध्यक्ष धर्मराज गुरुङको सभाधक्ष्यता र संगठनका केन्द्रिय सर्बोच्च सभाका सदस्य तथा कार्यालय सचिब रिन्छेन तामाङको प्रमुख आतिथ्यतामा धादिङबजारस्थित जिल्ला सभा धादिङको कार्यालयमा सम्पन्न जिल्ला सभाको बैठकबाट मंसिर ४ मा सम्पन्न हुनगइरहेको चुनावका लागि उम्मेदवारहरुको घोषणा भएको हो । वृहत छलफल पश्चात् उक्त बैठकबाट प्रतिनिधि सभा सदस्य निर्वाचनको लागि धादिङ क्षेत्र नं:१ बाट रिन्छेन तामाङ प्रदेश 'क' मा धर्मराज तामाङ र "ख" मा आलोक मगरको उम्मेदवारी रहने टुङ्गो लगाएको छ। यसरी नै क्षेत्र नम्बर २ मा प्रतिनिधि सभा सदस्यमा धनमाया तामाङ चयन हुनुभएको छ भने प्रदेश "क" मा सालिकराम थापा मगर "ख" मा सन्तोष कुमार तामाङको उम्मेदवारी चयन भएको छ।
उक्त बैठकमा आसन्न प्रतिनिधि सभा र प्रदेश सभा सदस्य निर्वाचनमा के कस्तो रणनीति बनाएर जाने र नतिजा आफ्नो पोल्टोमा कसरी पार्ने भन्ने बारेमा व्यापक छलफल भएको थियो ।
सभ्य र भव्यरुपमा विविध विषयवस्तुमाथि छलफल र निर्णय भएको बैठकमा एम.एन.ओ.केन्द्रिय सदस्य धनमाया तामाङ विशिष्ट अतिथी र बाग्मती प्रान्तीय सभाका कोषाध्यक्ष सालिकराम थापा मगर अतिथी रहनुभएको थियो भने कार्यक्रममा जिल्ला सभा धादिङका प्रचार सचिब मिसाङ तामाङले स्वागत मन्तव्य राख्नुभएको थियो । साथै जिल्ला सभाका सह सचिव चमन तामाङले कार्यक्रम संचालन गरेका थिए ।
