चार मुक्तक
👉️देख्दछु तेर्साइएका यी खाचोका पसारोहरु
लम्पसार एउटा बाटो जस्तो
देख्दछु थुपारिएका असमर्थताका बोझहरु
हिमालमा हिउँ खापिए जस्तो
अनि त एउटा लामो सुस्केरामा"बिउँझ' भन्छु,
बाँसको सोतेले निभ्दो आगो फुके जस्तो-।
👉️हो यहाँ काडाहरु धेरै धेरै छन्
खाली पैतालाले टिकिदिनु पर्ने
हो यहाँ आंसुको त समुन्द्र बनेको छ,
रित्तो हातले पुछिदिनु पर्ने
तर मेरो आंसुले माया गरेकाहरु हो यो नसम्झ,
छ यहाँ हामीले निस्सासिएरै बाँच्नुपर्ने-।
👉️भन्दछ आकाश "उठाइ टाउको मलाई हेर"
सोध्दछे धर्ती मलाई"माया गर्ने तिम्रो के छ?"
सोध्दछ हिउँद,गृष्म र वर्षा पनि
हाम्रो असर अनुभव गर्ने तिम्रो शरिरमा के छ?
अनि भन्दछ हामीसँग जुझ्नेहरु हो,
हामी जस्तो हृदयीसङ्ग जुझ्ने मुटु पनि छ?
👉️ जुझ रात,दिन र दिन रातसङ्ग जुझे जस्तो
तब मात्र मीठो थकाई मार्न सक्छौ,
पड्क चट्टानमा
व्लास्टिन जस्तो
अनि मात्र घर ठड्याउन सक्छौ,
नत्र अनन्त अनन्तको यो बचाइ
मृत्युको बचाइ मात्र बाच्न सक्छौ-।
साभार
बाडुली
सम्झना:२, हिक्का:५
