ए मूलवासी मंगोलहरु हो ...
सर्वाङग रित्तो बनेर
आफ्नै भूगोलमा विरानो भइ
जरा विनाको रुख जस्तै
व्यर्थको जिन्दगी बाँचिरहेछौ किन ?
विश्व थर्काउने वीर पुर्खाका सन्तान
आज कसरी आफ्नै भुगोलमा कायर भयौ?
तिम्रो स्वाबलम्बी र स्वाभिमानी शिरलाई
कुन नीतिले झुक्ने बनायो?
यो माटोको मालिक तिमीलाई
सुकुमवासी र अनागरिक कसले बनायो ?
उठ, जुट र जुझ नयाँ ईतिहास र युगको लागि
अब जाती, पार्टी र धर्मभन्दा माथि उठ्नु छ ।
अभावग्रस्त जीवनसंग संघर्ष गर्दै,
मुक्तिको लडाई लडनु छ ।
मूलवासी मंगोल अस्तित्व र भविष्य सुनिश्चित गर्नु छ ।
समानता, स्वतन्त्रता, भातृत्व,
शान्ती, सुशासन अनि न्यायपूर्ण समाज
समृद्ध र समुन्नत नेबाल निर्माण गर्नु छ ।
