पाँच शब्द
कठै रितुहरुको बहावमा कतै,
बिलिन नै हुन लागीछौ ।
निर्जन यो समाजबिच असह्य भएर होला,
धर्ती छोडी आकाश छुनै लागीछौ ।
अहम्ताको घुम्टो ओढेर पो हो कि ?,
कुनै कुनैको नजरमा कसिंगर बनिछौ ।
उज्यालो अनि कुसुमाकर त्यो मुहारको, घमण्डले होला ।
सबैको बोलिने उखान, टुक्कामा बसिछौ ।
शिष्टाचारको परिमुर्ती कहलिन्थ्यौ,
फेरि आज किन आलोचनाको धुलमै, टाँसिन आँटिछौ ।
विलौना गर्न नपरोस् , कसैलाई गुहार्न नपरोस्
यस्तै यस्तै मानसिकताले पो !, स्वाहा भइ जान लागिछौं ।
प्रेम पुज्य यो नास्तिकको लागी, बिरहमै धुन बजाउन ठानिछौ ।
भनिराकै हो, नसुनेसी के गर्नु
आज हेर, जवानिको छमछममा पनि, ओइलाएर झर्नै लागिछौ ।
